Сибайым
12.05.2025
Бында тыуып – үҫмәһәм дә
Йәнгә яҡын Сибайым.
Ситкә китһәм, ныҡ һағынам,
Һағынһам да сыҙайым!
Һөйөп йәшәү – ҡалай рәхәт!
Рәхәткә мин сыҙайым.
Күңелемдә бер йыр сыңлай,
Эй, һин, минең Сибайым!
Дөм-ҡараңғы төндәрендә
Емелдәй уй, биҙәктәр.
Яҡты төндә серләшәләр.
Төнгә ғашиҡ йөрәктәр.
Етте йөрөү тар һуҡмаҡта,
Оло юлға сығайым.
Яҙғы көндәй гүзәл йырым
Һин бит, минең Сибайым!
Ҡадир Әлибаев
