Байрам менән һине, ҡалам!
28.05.2025
Әлнисә Алдырханова һүҙҙәре, Илшат Яхин көйө
1.Сал ҡылғандар бәүеләләр
Саҡыра ихлас дала.
Күк Ирәндек итәгендә
Балҡыны нурлы ҡала.
Сибайымдай гүзәл ҡала
Берәү генә донъяла.
Ҡушымта:
Байрам менән һине
Гүзәл тыуған ҡалам.
Иң изге теләктәр
Һиңә теләп ҡалам
Сибайым, Сибайым
Мәңге балҡып йәшә!
Сибайым дан ҡала
Байрам менән, ҡалам!
- Эй, Ожмах баҡсаһы ҡалам
Йыр моңдарҙан нурлана.
Гөл -сәскәләргә күмелә,
Көндән- көн матурлана.
Даның алыҫҡа тарала
Сибайым- тыуған ҡалам.
Байрам менән һине
Гүзәл тыуған ҡалам.
Иң изге теләктәр
Һиңә теләп ҡалам
Сибайым, Сибайым
Мәңге балҡып йәшә!
Сибайым дан ҡала
Байрам менән, ҡалам!
