Сибай сәғәтенең сыңдары

Әмир Моратов

Сыңяһауҙай ғына бер ҡала-

Сәңгелдәктә ятҡан ир бала.

Уяна ла, ана, йылмая.

Сибай сәғәттәре сыңлаһа.

 

Йылмайып та тыуған таңдары,

Баҙрап торған аҡ йондоҙҙары,

Салт ҡояштыңсағыу нурҙары –

Сибай сәғәтенең сыңдары.

 

Төйәләҫтең шым тулҡындары,

Талдары, моңһоу муйылдары.

Үҙәкте өҙөр былбылдары –

Сибай сәғәтенең сыңдары.

 

Әсәйҙәрҙең наҙлы йырҙары,

Һөйгәндәрҙең татлы тындары.

Сабый саҡтың гөрлө йылдары –

Сибай сәғәтенең сыңдары,

Сибай сәғәтенең моңдары.