Тыуған төйәкте өйрәнеү – киләсәккә аманат

Айырым төбәктең, республика, ҡала, район, ауылдың томош шарттары, халҡы, тарихы, матди һәм рухи мәҙәниәтен өйрәнеү элек – электән күҙәтелә килә. Ошо йүнәлештәге эште БР атҡаҙанған ауыл хужалығы хеҙмәткәре, тыуған яҡты өйрәнеүсе Ирек Бикмәтов бик яҡшы алып бара. Ул – туғыҙ китап, егерменән ашыу ғилми хеҙмәт, бер монография авторы.
27 августа И.Н. Бикмәтов һәм Х.З.Исҡужина Хазина Искужина Тыуған яҡты өйрәнеү модель китапханаһына яңы баҫтырып сығарған “Түңгәүерҙәр төйәге. Яңғаҙы” китабын бүләк иттеләр.
Тарихи – документаль һәм әҙәби – публицистик мәғлүмәттәргә нигеҙләнгән йыйынтыҡта ялан түңгәүерҙәре сиктәрендә урынлашҡан Яңғаҙы ауылының үткәне, бөгөнгөһөнә байҡау яһалған, ғаиләләр тарихы, һәр араның шәжәрәләре бирелгән. Ҡулланма киң ҡатлам уҡыусыларына, тыуған төйәкте өйрәнеүселәргә тәғәйенләнгән.
Ырыуҙарыбыҙ төйәге яҙмаларын дауам итеүселәр Ирек Ниғәмәт улына һәм Хазина Зияитдин ҡыҙына оло рәхмәтебеҙҙе еткерәбеҙ. Уларға ныҡлы һаулыҡ, артабанғы эштәрендә һәм яңы йыйынтыҡтар сығарыуҙа ҙур уңыштар теләйбеҙ!

Тыуған төйәкте өйрәнеү буйынса китаптар киләсәккә аманат булып тора. Төбәгебеҙҙең тарихын һәм йолаларын уҡыйыҡ, беләйек һәм һаҡлайыҡ!